Raportohet se ka dhënë dorëheqje nënkryetarja e LDK-së Shqipe Mjekiqi

Nënkryetarja e Lidhjes Demokratike të Kosovës, Shqipe Mjekiqi, ka dhënë dorëheqje. Kështu kanë raportuar disa media.

Ajo ka dhënë dorëheqje edhe nga pozita e anëtares së kryesisë së LDK-së.

Arsyeja e dorëheqjes nuk është bërë e ditur.

Media ka tentuar të marrë një përgjigje nga Mjekiqi, mirëpo e njëjta nuk i është përgjigjur telefonatave dhe mesazheve.

Mjekiqi në mars të vitit 2021 u bë pjesë e LDK’së, për çka njoftoi Lumir Abdixhiku.

“Shqipe Mjekiqi, e doktoruar në fushën e shkencave politike në Trinity College në Dublin, nga sot do të jetë pjesë e Lidhjes Demokratike të Kosovës”, kishte shkruar Abdixhiku.