Pas deklaratës që bëri ndaj Kiarës, sqarohet Arbër Hajdari

Opinionisti i “Big Brother Vip Albania”, Arbër Hajdari përmes rrjeteve sociale është sqaruar për të gjithë ndjekësit pas deklaratave që ai bëri të martën në lidhje me Kiarën dhe Efin dhe reagimeve të shumta që janë shkaktuar në rrjetet sociale kundër vajzave.

Arbri ka reaguar me një postim në Instagram, duke sqaruar se “gjatë gjithë jetës dhe punës sime kam si parim të mos cenoj askënd dhe të vlerësoj çdokënd duke u përpjekur për të qenë i drejtë dhe racional”.

Kjo pasi në rrjet ka nisur dhe një herë ‘fushata’ kundër Kiarës, e cila nga e marta deri të enjten ka humbur gati 30 mijë ndjekës.

Arbri thotë ndër të tjera se personazhet që janë pjesë e lojës, nuk meritojnë linçim publik, por kjo deklaratë vjen pas asaj që opinionisti tha për Kiarën gjatë sepktaklit se gjithë sjellja e moderatores tani është për famë.

 “dhe ne këtu jashtë që jemi të përfshirë, jemi njerëz normale me të mirat dhe të këqijat tona, por ndryshimi është që ata aty brenda po ju argëtojnë dhe nuk meritojnë asnjë lloj linçimi publik. Shprehja e një opinioni personal për lojën e tyre nuk do doja kurrsesi të përkthehej në sulm karshi asnjërit prej konkurentëve”.

Deklaratat e tij Abrëri Hajdari i quan batuta.

 “Nëse unë kam bërë dy batuta me konkurentët ka ndodhur sepse ky është një shou” dhe fton që të gjithë ta marrin me sportivitet këtë lojë.