Pacolli i reagon nga xhamia Saranda Bogujevcit: Nuk lindë e as nuk vdes asgjë pa lejen e Zotit

Ish-nënkryetari i Prishtinës, Selim Pacolli, duket se është përfshirë indirekt në debatin për fertizilimin e asistuar mjekësor, i cili u hap dje në Kuvendin e Kosovës.

Deputetja e Lëvizjes Vetëvendosje, Saranda Bogujevci, dje në Kuvend deklaroi se preferon të bëhet nënë pa pasur burrë, derisa po diskutohej rreth Projektligjit për Shëndet Riprodhues dhe Fertilizim të Asistuar.

Ajo tha se “kam vendosur t’i besoj shkencës”.

Pacolli i AKR-së, në “reagimin” e tij nga një xhami ka thënë “se nuk lind asgjë pa lejen e Zotit”.

“Nuk ka Zot tjetër pos Krijuesit të çdo gjëje, në dhe mes tokës e qiellit! Nuk lindë e as nuk vdes asgjë pa lejen e tij! Sot, është ditë e veçuar nga ditët e tjera të javës! Qoftë i pranuar ky Namaz dhe lutjet tona, inshaAllah”, ka shkruar Pacolli në Facebook.