Molliqaj viziton krerët e UÇK-së në Hagë

Kryetari i PSD-së, Dardan Molliqaj ka thënë sot se do të bëjnë gjithçka që munden për ta ndryshuar Ligjin për Dhomat e Specializuara, pasi sipas tij, atje po gjykohet UÇK-ja.

Molliqaj këtë e tha pas vizitës që i ka bërë krerëve të UÇK-së që po mbahen në paraburgim në Hagë.

“Bisedat tona janë endur, janë përzier e janë kryqëzuar. Disa prej tyre nuk i kishim njohur personalisht. Nga atje, Prishtina e vitit 2023 është shumë larg. Distanca është sidomos kohore. Aty jetohet në vitet 1997-1999. Aty gjykohet UÇK-ja, aty paguhet ende çmimi i lirisë”.

“Do të bëjmë gjithçka që mundemi për ta ndryshuar Ligjin për Dhomat e Specializuara. Emri i UÇK-së nuk mund të jetë nën akuzë. Kosova duhet të bashkohet për drejtësi. Për juristët e ardhshëm, padrejtësia në Hagë do të bëhet shembull, ilustrim unik për shkeljen e të drejtave”, ka shkruar Molliqaj.