Manchester United -Betis 4-1

Mbyllen edhe katër ndeshjet e mbetura të përballjeve të para në raundin e 1/8-ave në Europa League.

Manchester United ngre kokë pas humbjes turpëruese 7-0 me Liverpool, duke fituar me “poker” në ndeshjen e parë me Real Betis 4:1. Të besuarit e Ten Hag nuk e patën të lehtë ndaj spanjollëve, me pjesën e parë që përfundoi 1-1.

Juventus mori një fitore me vuajtje ndaj Freiburg, teksa iu desh një gol i Angel Di Maria në pjesën e dytë për të regjistruar fitoren ndaj gjermanëve.

“Zonja e Vjetër” ishte dominuese në pjesën më të madhe të lojës, megjithatë Freiburg bëri rezistencë. Pas këtij suksesi “bardhezinjtë” udhëtojnë më të qetë drejt Gjermanisë javën e ardhshme.

Sevilla mori një fitore të rëndësishme në shtëpi, me rezultatin 2-0, me avantazhin që u mor nga goli i Jordan. Në fund fitorja ndaj Fenerbahces u vulos nga Lamela që shënoi në minutën e 85’.

Ndërsa Shakhtar-Feyenood u ndanë pa fitues, duke e mbyllur këtë takim të parë mes tyre me barazimin 1-1, me fituesin do të vendoset në Holandë.