Lajçak takon  Bislimin, paralajmëron vizitë në Kosovë për ta nisur zbatimin e marrëveshjeve

Emisari i Bashkimit Evropian për dialogun Kosovë-Serbi, Miroslav Lajçak, ka njoftuar se pas takimit të nivelit të lartë në Bruskel, ka zhvilluar një takim me zëvendëskryeministrin e Kosovës për dialogun, Besnik Bislimi.

Lajçak në njoftimin e tij, ka paralajmëruar edhe një vizitë në Kosovë së shpejti, për t’i diskutuar modalitetet e implementimit të propozimit franko-gjerman, tashmë të pranuar nga Kosova dhe Serbia.

“Pasoi një takim me zëvendëskryeministrin Besnik Bislimi, pas takimit të djeshëm për Dialogun. Duke planifikuar një vizitë në Kosovë së shpejti për t’i diskutuar modalitetet e implementimit”, ka thënë ai.

Lajçak, ka bërë të ditur, se gjatë takimit me Bislimin e ka theksuar rëndësinë e pajtimit mbi aneksin e implementimit, për t’u siguruar se çdo gjë e dakorduar, do të zbatohet.