Kërkohen trupa të NATO-s në Bërçko për të parandaluar shkëputjen e “Republika Srpska”-s

Kryetari i Dhomës së Përfaqësuesve të Asamblesë Parlamentare të Bosnjë-Hercegovinës, Denis Zvizdiq u bëri thirrje anëtarëve të NATO-s që të vendosin ushtarë në territorin e Brçkos për të parandaluar projektin e shkëputjes së “Republikës Srpska” nga BeH-ja.

“Duke pasur parasysh se në Samitin e NATO-s në Vilnius do të diskutohet edhe situata në Bosnje-Hercegovinë dhe në Ballkanin Perëndimor, ftoj anëtarët e aleancës së NATO-s, miqtë e integral, sovran, multietnik, antifashist, Bosnje-Hercegovinën evropiane dhe demokratike, në bazë të Aneksit 1A të Marrëveshjes së Paqes të Dejtonit dhe Statutit të Distriktit të Brçkos, të vendosë ushtarë të NATO-s në territorin e Distriktit të Brçkos”, ka shkruar Zvizdiq në llogarinë e tij në Facebook.

Aneksi 1A i Marrëveshjes së Dejtonit i referohet aspektit ushtarak të marrëveshjes së paqes, i cili përcakton mundësinë e vendosjes së ushtarëve të NATO-s në territorin e Bosnjë-Hercegovinës me qëllim të ruajtjes së paqes në vend, raportoi “Danas”.

Sipas zyrtarit të BeH-së, në këtë mënyrë “do të hiqej me sukses një nga rreziqet më të mëdha me të cilat përballet shteti”, duke shtuar se shumica dërrmuese e qytetarëve në BiH duan paqe, stabilitet dhe përparim.