Idrizi nga Nedakoci: Po sanohet pika kritike e vërshimeve

Kryetari i Komunës së Vushtrrisë, bashkë me nënkryetarin dhe zyrtarë nga Drejtoria për Mbrojtje dhe Shpëtim kanë vizituar sot fshatin Nedakoc për të monitoruar gjendjen e argjinaturës dhe punimet për ta forcuar atë në të dy anët e Silnicës.

Idrizi është shprehur se njëherit do të bëhet edhe pastrimi i Lumit Silnica dhe të gjithë lumenjve, përrockave e kanaleve kulluese.

Postimi i plotë:

PO SANOHET PIKA KRITIKE E VËRSHIMEVE🙏

Sot me bashkëpunëtorë, pamë nga afër punimet në përforcimin e argjinaturës të Lumit “Silnica” në fshatin Nedakoc, nga i cili në janar të vitit 2021 ishte përmbytur qyteti i Vushtrrisë.
Do të vazhdojmë me përforcimin e argjinaturës në të dy anët e lumit, pastrimin e Lumit “Silnica” dhe gjithë lumenjve, prrockave dhe kanaleve kulluese.