Haradinaj: Qeveria Kurti të shkojë në shtëpi

Kryetari i Aleancës për Ardhmërinë e Kosovës (AAK), Ramush Haradinaj , ka thënë që mocioni i mosbesimit ndaj Qeverisë së Kosovës mbetet ende opsion.

Sipas tij mocioni është mënyra e duhur për rrëzimin e qeverisë së udhëhequr nga Albin Kurti.

 “Mocioni është mënyra më e duhur dhe legjitime, është demokraci. Aktualisht opozita i ka votat sa me e iniciuar mocionin, pastaj duhet ndihma e deputetëve të tjerë. Shpresoj që në një rrethanë të caktuar do ta arrijmë unitetin brenda opozitës, por po është opsion”, ka thënë Haradinaj.

Haradinaj ka thënë se zgjidhja e duhur për vendin do të ishte tërheqja e qeverisë Kurti.

“Në Kuvend, pra Kurti dhe qeveria e tij ka shumë llogari me dhënë, para Kuvendit, para Kosovës. Po shpresoj po ashtu që gjitha këto zhvillime e kanë në fund e që fundi është që të shkojë në shtëpi qeveria Kurti”, ka thënë ai.

pyetur nga gazetarët se “çfarë ndodh nëse nuk shkon qeveria Kurti?”, Haradinaj është përgjigjur: “Shkon, shkon”.

Më tutje, Haradinaj, ka kërkuar nga qeveria të kthehet me aleatët.

“Shumë njerëz po i bëjnë thirrje qeverisë sonë që të kthehet me aleatët. Me u kthye me Amerikën, NATO-n, me BE-në. Fatkeqësisht Kurti dhe kjo qeveri kanë zgjedhur rrugë tjetër. Pasojat po i rriten Kosovës. Do t’i rriten edhe parashikimet nuk janë të mira për asnjë temë” ka thënë Haradinaj.