Fotoja e Selena Gomez në Met Gala 2023 bëhet virale, telashi është që s’ishte aty fare

Një foto montazh tregon Selena Gomezin në Met Gala 2023 dhe ajo fotografi u bë virale duke u bërë foto më e pëlqyer ne Twitter. Problemi qëndron në faktin se Gomez nuk ka marrë pjesë fare në Met Gala, transmeton Gazeta Metro.

Foto tregon Gomezin e veshur me një fustan të mbuluar me perla ngjyrë kaltër por ajo nuk ka marrë pjesë në ceremoni.

Foto e postuar në Twitter mëngjesin e së martës është shikuar 13 milion herë, është shpërndarë 25 mijë herë dhe ka përmbi 300 mijë klikime.

Në pamje shihet Selena Gomez me fustanin që e kishte veshur ylli Lily James në Met Galanë e vitit të kaluar.

Përpos faktit që Gomez nuk ka marrë pjesë në Gala fotografia vërehet edhe në disa detaje tjera që është e montazhuar të cilat i kanë vërejtur fansat. Është e paqartë pse nuk ka marrë pjesë Selena Gomez në Met Gala të këtij viti. Ajo nuk është paraqitur në këtë Gala që nga viti 2018./gazetametro.net