‘Akademiku i VV’ Agim Bahtiri thotë Shakira tek Ura e Ibrit ishte ide e KFOR-it

Ish-kryetari i Komunës Jugore të Mitrovicës, Agim Bahtiri i ftuar në emisionin FRONTAL të T7 është pyetur për punën e Shakirës dhe informacioneve të shumta që kanë qenë se ylli botëror do të sillet për të kënduar në Mitrovicë në momentin që do të hapet Ura e Ibrit për qarkullim.

Megjithatë Bahtiri thotë se s’ka qenë ide apo kërkesë e tija që Shakira të këndojë në Mitrovicë, por e KFOR-it.

Ai thotë se vetëm e ka bërë publik një informacion të tillë.

“ Nuk ka qenë kërkesë e imja. Ka qenë kërkesë e KFOR-it. Ka pasur të vijë një yll i botës. Kërkesa u kanë e tyre. Unë e kam publikuar si informacion”, ka thënë Bahtiri në FRONTAL të T7.

Ai është pyetur lidhur me këtë pasi që sot në Kuvendin Komunal të Mitrovicës së Veriut është votuar kërkesa për hapjen e Urës së Ibrit për automjete.