A e dini pse është e vështirë të kujtojmë gjërat që na kanë ndodhur para moshës 4 vjeçare?

Thuhet nga shumë njerëz se personaliteti formohet në fëmijëri prandaj është ironike që nuk kujtojmë asgjë nga vitet e hershme. Ky fenomen madje ka një emër zyrtar – amnezi e fëmijërisë.

Ndërsa rritemi, harrojmë njerëzit, ngjarjet dhe madje edhe vendet që kemi vizituar si fëmijë, përcjell Demokracia

Amnezia e fëmijërisë është paaftësia e të rriturve për të kujtuar detajet ose ngjarjet që kanë përjetuar para moshës 4 vjeçare. Disa studiues pohojnë se fëmijët para moshës 7 vjeçare janë në gjendje të mbajnë mend 60 për qind të ngjarjeve nga vitet e tyre të hershme. Ata arrijnë në përfundimin se në fakt, ndërsa kalojmë nëpër faza të ndryshme zhvillimi, ne kujtojmë gjithnjë e më pak atë që i parapriu.

Një teori se pse ne nuk i ruajmë kujtimet e fëmijërisë është se ne nuk mund të komunikonim verbalisht në atë kohë. Kur kujtojmë diçka, përdorim fjalë dhe mund të përshkruajmë detaje.

Shumica e fëmijëve nuk flasin para moshës 2 vjeçare, kështu që ata nuk mund të krijojnë një kujtesë kohezive.

Ekziston edhe një shpjegim biologjik. Ndërsa rritemi, truri ynë bën shumë punë të vështirë dhe një studim arriti në përfundimin se kjo është arsyeja pse “kujtimet që përndryshe do të ishin afatgjata nuk ruhen”.

Megjithatë, sipas psikologëve të fëmijëve, fëmijët kujtojnë ato detaje dhe ngjarje që janë të mbushura me emocione, pozitive dhe negative. Ky zbulim u lejon fëmijëve të vegjël të dëshmojnë në gjykatë. Pra, nëse keni disa kujtime të hershme, ka një probabilitet të lartë që ato të jenë për gjëra që kanë rëndësi të madhe për ju dhe shkaktojnë një reagim të fortë emocional, shkruan Bright Side.