Lufta në Ukrainë, Kim Jong Un do të vizitojë Putinin për të biseduar për armët

Kim Jong Un i Koresë së Veriut planifikon të udhëtojë në Rusi këtë muaj për të takuar Presidentin Vladimir Putin, i ka thënë një zyrtar amerikan CBS-së.

Të dy liderët do të diskutojnë mundësinë që Koreja e Veriut t’i sigurojë Moskës armë për të mbështetur luftën e saj në Ukrainë, tha zyrtari.

Vendndodhja e saktë e takimit të planifikuar nuk është e qartë.

Nuk kishte asnjë koment të menjëhershëm mbi këtë gjë nga Koreja e Veriut dhe Rusia.

Burimet i thanë New York Times se Kim kishte shumë gjasa të udhëtonte me tren të blinduar.

Takimi i mundshëm vjen pasi Shtëpia e Bardhë tha se kishte informacione të reja se negociatat për armët midis dy vendeve po “përparonin në mënyrë aktive”, shkruan BBC.