Arrestohet Hafiz Gara dhe Irfan Lipovica në MINT, aksioni po vazhdon te sekseri Ridvan Muharremi

Policia e Kosovës sot ka arrestuar dy zyrtarë të Ministrisë së Industrisë Ndermarrësisë dhe Tregtisë.

Gazeta Nacionale ka mësuar se bëhet fjalë për arrestimin e Hafiz Gara dhe Irfan Lipovica.

Foto që ka siguruar gazeta shihet zyrtari Hafiz Gara në pranga të policisë.

Arrestimin i tyre është bërë nën dyshimin që janë përfshirë në keqpërdorimin e rezervave shtetërore, për të cilat ka raportuar më herët gazeta Nacionale.

Ndërkohë, policia është duke e vazhduar aksionin edhe në bastisjen e pronave të Ridvan Muharremi, mikut të kryeministrit Albin Kurti.

Muharremi, që është pronar i restoranit “Bukë e Zemër”, dyshohet se është ndërmjetës.

Avokati Halimi: Nuk ka fletarrestim për Ridvan Muharremit

Mahmut Halimi, avokati i Ridvan Muharremit, ka thënë se për klientin e tij ende nuk ka flet arrestim nga organet e rendit.

Ai ka bërë me dije se ende po vazhdojnë bastisjet në pronat e Muharremit.

“Ende nuk kemi fletarrestim”, ka thënë Halimi.

Ai ka tregua se ia kanë dorëzuar policia të gjitha provat.

“Normal i ka dorëzuar të gjitha materialet që jemi përgatitur me kohë. Jemi përgatitur për të vërteten”, ka thënë ai para mediave.

Sot Policia e Kosovës ka bastisur restorantin “Bukë e zemër”, i cili në pronë të afaristit Ridvan Muharremi. Gjithashtu polica ka bastisur edhe banesën e tij dhe MINT-in.

Muharremit, i cili është edhe mik i kryeministrit Albin Kurti, dyshohet se është i përfshirë në aferat për keqpërdorin e rezervave shtetërore.