Më shumë se 60 emigrantë dyshohet se kanë vdekur në det në brigjet e Kepit të Verdës

Më shumë se 60 persona dyshohet se kanë vdekur pasi një varkë me emigrantë u gjet në Kepin e Verdës në Afrikën Perëndimore, raporton BBC.

38 persona, duke përfshirë fëmijë, u shpëtuan, me pamjet që tregojnë se ata u ndihmuan në breg, disa me barela në ishullin Sal.

Thuajse të gjithë ata që ishin në bordin e varkës, e cila ishte në det për më shumë se një muaj, mendohet se ishin nga Senegali.

Zyrtarët e Cape Verde kanë bërë thirrje për veprime globale për migracionin për të ndihmuar në parandalimin e humbjeve të mëtejshme të jetëve.

Anija u pa për herë të parë të hënën, tha policia për agjencinë e lajmeve AFP. Raportet e para sugjeruan se anija ishte mbytur, por më vonë u sqarua se ajo ishte gjetur duke lëvizur.

Varka prej druri e stilit pirog u pa pothuajse 320 km larg Salit, një pjesë e Kepit të Verdës, nga një anije peshkimi spanjolle e cila më pas njoftoi autoritetet, tha policia.

Të mbijetuarit përfshijnë katër fëmijë të moshës nga 12 deri në 16 vjeç, tha një zëdhënës i Organizatës Ndërkombëtare për Migracionin (IOM).

Varka u largua nga fshati senegalez i peshkimit Fasse Boye më 10 korrik me 101 persona në bord, tha të martën ministria e jashtme e Senegalit, duke cituar të mbijetuarit.

Moda Samb, një zyrtar i zgjedhur në fshat, i tha agjencisë së lajmeve AFP se pothuajse të gjithë ata që ishin në barkë ishin rritur në komunitet dhe se disa familje vendase ende prisnin të dëgjonin nëse të afërmit e tyre ishin mes të mbijetuarve.

Ministria tha se ishte duke u lidhur me autoritetet në Cape Verde për të rregulluar riatdhesimin e shtetasve senegalezë.

Vendet e tjera të origjinës së pasagjerëve thuhet se përfshijnë Sierra Leonen dhe në një rast Guinea-Bissaun.

Jose Moreira, zyrtar shëndetësor në Sal, tha se shëndeti i të mbijetuarve po përmirësohet dhe po se kujdesen për ta, me fokus në ri-hidratimin dhe testet për kushte si malaria.

Ministrja e Shëndetësisë, Filomena Goncalves tha: “Ne e dimë se çështjet e migracionit janë çështje globale, të cilat kërkojnë bashkëpunim ndërkombëtar, shumë diskutime dhe strategji globale. Ne të gjithë – të gjitha kombet – duhet të ulemi në tryezë dhe të shohim se çfarë mund të bëjmë në mënyrë që të mos humbasim më jetë në det, mbi të gjitha”.

Ndërkaq zëdhënësja e IOM-it, Safa Msehli, tha se rrugët e sigurta për migrim “mungonin shumë” dhe se mungesa e tyre u jep “hapësirë kontrabandistëve dhe trafikantëve për t’i vënë njerëzit në këto udhëtime vdekjeprurëse”.