Rreziku i pirjes së ujit me tepricë

Çdo vit njerëzit shtrohen në spital dhe madje vdesin nga pirja e tepërt e ujit. Muajin e kaluar, një grua 35-vjeçare nga Indiana vdiq pasi piu katër shishe 500 ml ujë në vetëm 20 minuta.

Shkaku i vdekjes u dha si hiponatremia, një gjendje kërcënuese për jetën e cila ndodh kur përqendrimet e natriumit në gjak bien në një nivel anormalisht të
ulët. Kjo është e rrezikshme sepse natriumi luan një rol kritik në rregullimin e sasisë së ujit që futet në qelizat e trupit.

Sipas David Rowlands, profesor i të ushqyerit në Universitetin Massey, Zelandën e Re, një nga popullatat më të rrezikuara nga hiponatriemia janë atletët ultra-maratonë.

Cili është kufiri i shëndetshëm i ujit?

Sipas Qendrës Amerikane për Kontrollin dhe Sëmundjet, nuk duhet të pini më shumë se 1500 ml ujë ose lëngje të tjera, si pije sportive, brenda një ore.

Rastet priren të ndodhin kur njerëzit ose janë dehidratuar tepër nga pirja e alkoolit ose duke qenë jashtë në mot të nxehtë për shumë orë, ose janë tashmë të prekshëm sepse marrin ilaçe diuretike për presionin e lartë të gjakut, të cilat largojnë natriumin nga gjaku.