“Jozyrtare; s’vjen si kryeministër”: Sot Kurti shkon në Maqedoni të Veriut, si u përçanë politikanët shqiptarë atje?

Sot kryeministri i Kosovës, Albin Kurti, do të qëndrojë për vizitë në Maqedoninë e Veriut. Kjo vizitë joformale e jozyrtare e Kurtit është kritikuar në Kosovë, ndërsa e ka përçarë skenën politike të shqiptarëve në Maqedoni të Veriut. Në fakt, ajo është parë si një aventurë e re e Kurtit, pas dështimit spektakolar në zgjedhjet në Shqipëri. Çka dihet deri tash?

Gjëja me e sigurt sot – së paku, deri tani – është se Kurti do të qëndrojë në Maqedoninë e Veriut. Agjenda e tij duket krejtësisht e varfër, madje nuk është meritore për një kryeministër të Kosovës. Kurti do ta vizitojë Tetovën dhe Çairin, por, sipas agjendës, nuk ka të planifikuar asnjë takim të nivelit të lartë. Thekson Nacionale

Në Çair, komunë që udhëhiqet nga Lëvizja Demokratiek, partia e sapothemeluar të Izet Mexhitit, ai do ta përurojë një rrugë në emrin e veprimtarit të njohur të Kosovës, Adem Demaçi. Ndërsa në Tetovë do të takohet me kryetarin e kësaj komune, njëherit kryetarin e partisë opozitare, Lëvizja Besa, Bilall Kasami.

Kritikat…

Në fakt, kjo vizitë u kritikua në Kosovë.

Flaka Surroi, opinioniste dhe gazetare veterane, e ka cilësuar si gabim shmangien e protokollit shtetëror nga ana e Kurtit gjatë vizitës në vendin fqinj. Madje, vizitën e Kurtit dhe ndërhyrjen e tij në politikën shqiptare në Maqedoninë e Veriut, Surroi i është referuar si “aventurë”.

Çarja e BDI-së / Në Çair te Izet Mexhiti: A po gjuan Albin Kurti “benzinë në zjarr” kundër Ali Ahmetit?

“Gabim shkuarja “si kryeminsitër” dhe shmangia e protokollit shtetëror të fqinjit që ndër të parët na ka njohur.

Kjo avanturë i ngjet asaj tjetrës, pjesëmarrjes në zgjedhjet në Shqipëri.

Kryeministër, tepër shumë probleme i ka Kosova që tash me u marrë edhe me problemet e të tjerëve.” – shkroi ajo.

Ndërsa politilogu i njohur, Avdi Smajljaj, e ka kritikuar Kurtin për këtë vizitë, duke ironizuar me qeverisjen e tij në Kosovë.

“KM tregoju në Maqedoninë e Veriut le te krijojnë një komision ekzekutiv për shëndetësi edhe njo për arsim, sikurse te ne, le të na marrin shembull për të mirë.” – shkroi ai.

Maqedonia e Veriut / Aventura e re: Pas Shqipërisë, Kurti “përzihet” edhe në politikën e shqiptarëve në Maqedoninë e Veriut

Përplasja në Maqedoni

Në fakt, në publik kjo vizitë është lexuar si një përkrahje personale e Kurtit ndaj bllokut opozitar, që po e kundërshton Ali Ahmetin dhe BDI-në, të cilët janë në pushtet që një kohë të gjatë.

Ministri i Jashtëm i Maqedonisë së Veriut, Bujar Osmani, ka thënë se nuk ka informacione për vizitën e kryeministrit Kurti në Tetovë dhe Çair. Në një intervistë për televizionin maqedonas Sitel, Osmani, tha se Kurti, me siguri të premten nuk vjen si kryeministër në RMV.

“Nuk kemi informacione zyrtare se vjen. Kështu që, me siguri nuk vjen si kryeministër. Shohim nëpër rrjetet sociale, ndonjë komunikim partiak, kështu që, me të vërtetë nuk kam informacione. Ne jemi shtet i lirë dhe mundet çdo kush të vijë.” – deklaroi Osmani.

Vizita e Kurtit në RMV / “Nuk vjen si kryeministër”: Vizita private e Kurtit i përplasë partitë shqiptare në Maqedoninë e Veriut

Ndërsa kryetari i komunës së Çairit, Visar Ganiu, që është pjesë e partisë se Mexhitit, theksoi se Kurti do ta vizitojë Maqedoninë e Veriut si kryeministër i Republikës së Kosovës.

“Albin Kurti vjen si kryeministër i Republikës së Kosovës, shtetit më të ri në Evropë dhe gjithë lëvizja nga kufiri e këndej, shteti organizon protokol të përcjelljes dhe të gjitha masat që duhet t’i merr për një kryeministër. Kjo është gafa e radhës e Bujar Osmanit, apo kabinetit qeveritar që për çdo ditë jemi mësuar t’i shohim me skandale dhe me gafa të ndryshme dhe mund edhe unë ta pyes Bujar Osmanin se a e njeh Albin Kurtin si kryeminstër të Kosovës. Ne njohim, popullata e njeh dhe atë ditë do të ketë pritje madhështore për kryeministrin e Kosovës.” – theksoi Ganiu.