Në vitin 2019 u vlerësua se ka 39.1 armë zjarri për 100 njerëz që jetojnë në Serbi, e treta më e larta në botë – krahas Malit të Zi – dhe pas vetëm ShBA-së dhe Jemenit.

Me një popullsi prej 6.7 milionë banorësh, kjo barazohet me mbi 2.7 milionë armë në duart e civilëve në vendin ballkanik – rreth 1.5 milion prej të cilave janë të paregjistruara.

Sipas të dhënave nga një Small Arms Survey, kjo do të thotë se serbët zotërojnë proporcionalisht rreth tetë herë më shumë armë zjarri se njerëzit në Angli, Uells dhe Skoci dhe gati katër herë më shumë se Irlanda Veriore.

Por është e rëndësishme të theksohet se zotërimi i armëve në Mbretërinë e Bashkuar në tërësi është ndër më të ulëtat në Evropë.

Për shembull, Franca dhe Gjermania kanë të dyja rreth 19.6 armë zjarri për çdo 100 banorë, ndërsa vendet nordike më të armatosura si Finlanda dhe Norvegjia kanë përkatësisht 32.4 dhe 28.8.

Në rajonin më të gjerë të Ballkanit, shifrat për 100 njerëz janë:

Bosnja dhe Hercegovina – 31.2

Kroacia – 13.7

Kosova – 23.8

Mali i Zi – 39.1

Maqedonia e Veriut – 29.8

Sllovenia – 15.6