DOKUMENT| Kabineti i Rozeta Hajdarit i torturon shërbyesit civilë me pyetësor të ngjashëm si “bisedë informative”

Nga kabineti i Ministres së Industrisë, Ndërrmarësisë dhe Tregtisë, Rozeta Hajdari, kanë filluar shpërndarjen e një pyetësori nëpër departamentet dhe njësitë e kësaj ministrie.

Demokracia.com e ka siguruar një pyetësor të tillë, i cili u është shpërndarë sot, që përmban 20 pyetje.

Pyetje e parë drejtuar nëpunësve të MINT-it nis me përvojën e punës / stazhin dhe përfundon me pagesën që marrin ata.

Pyetësori që i ngjan më shumë një “bisede informative” të paraluftës, vazhdon me pyetje për zbatimin e kompetencave të përcaktuara sipas Rregullores së Sistematizimit në vendin e punës, për të vazhduar me detyra që nuk aplikohen sipas sistematizimit, etj.

Ka edhe pyetje të tilla si: Në bazë të ngarkesës mesatare në nivel institucioni, gjatë orarit të punës ju keni kohë? A) të lirë, B) të mjaftueshme për realizimin e lëndëve, C) të pamjaftueshme dhe mbingarkesë për realizimin e lëndëve.

Pyetja e parafundit e këtij pyetësori ka të bëjë me dënimet apo shpërblimet si masë disiplinore nga eprori apo mbikëqyrësi. Ndërsa, pyetja e fundit që iu bëhet nëpunësve të MINT-it lidhet me presionin gjatë ushtrimit të detyrave në vendin e punës. /Demokracia.com/