A e dini pse Pallati i Rinisë dhe Sporteve më herët është quajtur BoroRamiz?

Pallati i Rinisë dhe Sporteve është një ndër qendrat më të njohura në Prishtinë, por më herët ky vend është njohur me emër tjetër.

Më herët ky pallat kishte emrin “Boro dhe Ramiz” për shkak të heronjve të Jugosllavisë Boro Vukmirović dhe Ramiz Sadiku.

Boro ishte serb, ndërsa Ramizi ishte shqiptarë, kështu që emri simbolizon vllaznim dhe bashkim të serbëve dhe shqiptarëve.

Në vitin 1975, u mbajt një referendum dhe qytetarët e Prishtinë, asokohe kryeqyteti i Krahinës Socialiste Autonome e Kosovës votuan në favor të ndërtimit të një sallë të madhe.

Ndërtesa përfundoi më 1977 ndërsa më 25 shkurt 2000, ndërtesa u dëmtua rëndë në një zjarr.

Pjesërisht ndërtesa u renovua, por fusha e madhe dhe salla e madhe ishin ende jashtë përdorimit.