Në Pekin bie ‘shi me krimba’, nxiten teori në internet për fenomenin e çuditshëm

Banorët e habitur të Pekinit u paralajmëruan të merrnin çadra pasi filloi ‘të binte shi krimbash’ në kryeqytetin kinez.

Ditëve të fundit u bë virale në rrjetet sociale një video që demonstronte “shiun me krimba” në rrugët e Pekinit, pakurrizorët e rrëshqitshëm mbulojnë makinat.

Gjithashtu u raportua se banorëve të këtij qyteti iu rekomandua të merrnin çadrat e tyre me vete.

Derisa autoritetet kineze ende nuk e kanë gjetur shkakun pas fenomenit të çuditshëm, teori të ndryshme po qarkullojnë në internet.

Disa sugjeruan se ato mund të jenë në të vërtetë lule plepi, një pemë shumë e njohur në zonë që është plot me fara dhe, kur lulet i bien, ato shpesh ngatërrohen me vemjet.

Një tjetër teori sugjeroi se krimbat ranë pasi bartën nga një erë e fortë, një teori e mbështetur nga revista shkencore Mother Nature Network, e cila shpjegoi se ky lloj incidenti me kafshët ndodh pas një stuhie.

“Fundi i botës po afrohet”, supozoi një përdorues i Twitter.