Leo Messi shpallet lojtari më i mirë i vitit

FIFA po zhvillon sonte në Paris edicionin e saj të 7 të çmimeve “The Best”, për të nderuar më të mirët e vitit që lamë pas, 2022. FIFA ka vendosur të zhvillojë këtë ceremoni në shkurt, si pasojë e përfundimit të Botërorit 2022 në dhjetor.

Lionel Messi është “Lojtari më i mirë i FIFA-s” për vitin 2022. Argjentinasi, kampion bote në Katar 2022, sikurse pritej mposhti konkurrencën e Karim Benzemasë dhe Kylian Mbapesë:

“Është kënaqësi të jem këtu dhe të fitoj – tha ai -. Falënderoj të gjithë lojtarët dhe trajnerin e Argjentinës. Kjo është një çmim grupi. O Zot, kam mundur të fitoj Kupën e Botës! Falënderoj familjen time dhe argjentinasit që e kanë përjetuar ashtu siç e kemi përjetuar ne Kupën e Botës. Një puthje për fëmijët e mi që po më shikojnë.”