Arsenali dhe Real Madridi pas sulmuesit danez Rasmus Hojlund

Arsenal dhe Real Madrid kanë vënë në shënjestër si objektiv sulmuesin e Atalantas, danezin Rasmus Hojlund.

Sulmuesi është duke zhvilluar sezonin e parë në elitën italiane teksa aktivizohet në Serie A me Atalantan.

Gjashtë gola dhe dy asiste, kanë bërë që londinezët dhe madrilenët të kthejnë vëmendjen nga 20-vjeçari i cili për nga fiziku cilësohet edhe si kopje e Erling Haaland.

Synimi i Real Madrid është që me Hojlund të zëvendësojnë Karim Benzema teksa sulmuesi nordik ka edhe pëlqimin e presidentit Florentino Perez i cili e sheh 20-vjeçarin si një lojtar të denjë.

Por mbretërit nuk e kanë të lehtë, pasi që Arsenali do të bëjë rezistencë dhe do të luftojë për danezin, ku pritet të vije edhe oferta, që mund të jetë e parezitueshme.

Hojlund e ka nisur karrierën e tij tek Copenhagen aty ku shënoi pesë gola në 32 ndeshje, me sulmuesin që më pas kaloi te Sturm Graz në Austri ku shënoi 12 gola në 21 ndeshje.