Hoti i reagon Kurtit pasi u ankua se shumë ligje po përfundojnë në Kushtetuese: Ka qëllime politike jo fisnike

Deputeti nga radhët e Lidhjes Demokratike të Kosovës, Avdullah Hoti, ka reaguar pasi kryeministri Albin Kurti u ankua në mbledhjen e Qeverisë se shumë ligje po përfundojnë në Gjykatën Kushtetuese.

Duke iu përgjigjur kësaj deklarate, Hoti ka thënë se ai që ka frikë dhe që shpreh kundërshtim ndaj dërgimit të ligjeve në Kushtetuese ka qëllime politike jo fisnike, të cilat nuk janë në interes të qytetarëve por të tij personalisht.

“Ligjet dërgohen në Kushtetuese kur ka dyshime se mund të cenohet rendi kushtetues.  Ai që ka frikë dhe që shpreh kundërshtim ndaj dërgimit të ligjeve në Kushtetuese ka qëllime politike jo fisnike, të cilat nuk janë në interes të qytetarëve por të tij personalisht”, ka shkruar Hoti.