Ekipet e shpëtimit turq thonë se ende dëgjohen zëra nën rrënoja

Ekipet e shpëtimit në Turqinë jugore thonë se janë ende duke dëgjuar zëra nga rrënojat më shumë se një javë pas një tërmeti shkatërrues 7.8 ballë, duke ofruar një fije shprese për të gjetur më shumë të mbijetuar.

Imazhet e drejtpërdrejta të transmetuara nga mediat e huaja, treguan shpëtimtarët që punonin në dy zona të rajonit të Kahramanmaras, ku po përpiqeshin të shpëtonin tre motra që besohej se ishin varrosur nën rrënoja.

Në të njëjtin rajon, ekipet e shpëtimit nxorën të gjallë një djalë 18-vjeçar dhe një burrë nga rrënojat të martën, një ditë pasi shpëtuan një vajzë 10-vjeçare që besohet se ishte varrosur për rreth 185 orë.

Tetë ditë pas tërmetit dhe pasgoditjeve të tij të dhunshme, më shumë se 36,000 njerëz janë konfirmuar të vdekur./Euronews/