I preferuari i britanikëve për drejtor të Policisë-dyshohet të jetë nip i Azem Sylës

Gazmend Hoxha ka dalë i pari me pikë në konkursin e shpallur për Drejtor të Përgjithshëm të Policisë, sipas rezultateve që i kanë publikuar britanikët, të cilët e kanë vëzhguar konkursin. 

Hoxha, i cili aktualisht mban pozitën e Drejtorit të Departamentit për Operacione, ka marrë 27.5 pikë nga 40 sa ishin gjithsej.

Siç ka raportuar Paparaci të martën, Hoxha është nipi i ish-deputetit të PDK-së, Azem Syla.

Momentalisht në krye të Policisë është Fehmi Hoti, si ushtrues detyre i Drejtorit të Përgjithshëm. 

Në gusht të 2022-s, drejtori i deriatëhershëm, Samedin Mehmeti dha dorëheqje.