Nuk ka informacione që ndonjë shqiptar mund të ketë pësuar nga tërmeti në Turqi

Ekrem Kryeziu, studiues i marrëdhënieve ndërkombëtare në Turqi, ka folur rreth situatës pas tërmetit që e goditi Turqinë sot në orët e hershme të mëngjesit.

“Sot, Turqia u zgjua me një lajm të kobshëm – me një tërmet i cili ndodhi rreth orës 04:00 në mëngjes. Ne ndodhemi në Stamboll dhe tërmeti ka ndodhur në Turqinë juglindore, larg nga këtu megjithatë mobilizimi i shtetit ndjehet edhe këtu”, ka thënë ai në një lidhje direkte në “Klan Kosova”.

Ai gjithashtu ka theksuar se ka një numër shumë të madh të personave që ende ndodhen nën rrënoja dhe sipas tij, numri i të vdekurve do të rritet edhe më shumë.

Megjithatë, ai ka thënë se nuk ka informata që ndonjë shqiptari mund të ketë pësuar nga kjo fatkeqësi.