Mehaj: Trupat e FSK-së të gatshme për operacione në kushte ekstreme

“Trupat e FSK-së janë të gatshëm të realizojnë operacione të kërkim- shpëtimit në kushte ekstreme dimërore,” kështu deklaroi ministri i Mbrojtjes, Armend Mehaj.

Ai përmes një postimi në Facebook tha se Qendra Ndërkombëtare e Trajnimit për Kërkim Shpëtim (QNTKSH), po realizon trajnimin për Kërkim Shpëtim Dimëror në Brezovicë me fokus në operacionet e evakuimit të lënduarve me ski, evakuimit të lënduarve nga orteku dhe mënyrat e kërkimit në orteqe.

Këtë e quajti si vazhdim drejt sukseseve të reja.